Tashmë, është vërtetuar se ngrënia me orar ndihmon shumë në rënien në peshë. Por cila është arsyeja?

Sipas “kronobiologjisë”, e cila është dega e shkencës së dietologjisë që studion ritmet biologjike të organizmit, studimet kanë evidentuar faktin se nëse njerëzit ushqehen në kohë rreptësisht të përcaktuara, organizmi reagon sipas “orës biologjike”, d.m.th. në këto kohë organizmi përgatit procesin duke rritur metabolizmin,  prodhohet sasia e duhur e lëngjeve në stomak, niveli hormonal ndryshon, etj. Kjo pasi në organizëm egziston gjithmonë një kohë e duhur për të bërë diçka, në mënyrë që efikasiteti i saj të jetë maksimal.

Nga një studim i kryer në Angli me 1000 persona, u vu re që ngrënia sistematike në oraret e përcaktuara bëri që këta persona të bien në peshë pas një periudhe relativisht të shkurtër.

Oraret më të mira të ngrënies nuk përjashtojnë vaktet e ndërmjetme, por edhe ato duhet që të konsumohen në kohë plotësisht të përcaktuara. Gjithashtu është e këshillueshme që të mos lihet asnjë vakt pa ngrënë, sidomos mëngjesi, madje mungesa e ngrënies së mëngjesit i çon shumë njerëz drejt mbipeshës. Por si duhet të jenë oraret e ngrënies dhe marrja e kalorive sipas vakteve?

Mëngjesi:
Orari: 7:00 – 7:30
Shpërndarja e kalorive:
35% të kalorive ditore. Kjo sepse e kemi ditën përpara, kështu që na nevojiten kaloritë e domosdoshme për aktivitetet jetësore. Në mëngjes rekomandohen ushqime të pasura me karbohidrate (por jo sheqerna sintetikë), kryesisht të marra nëpërmjet drithërave. Karbohidratet janë jetike për funksionimin e aktivitetit të muskujve dhe të trurit.

Dreka:
Orari: 12:30 – 13:00
Shpërndarja e kalorive:
40-50% të kalorive ditore. Gjatë drekës, duhet të konsumohen ushqime me karbohidrate dhe proteina, pasi dreka përbën vaktin kryesor të ditës, për shkak të aktiviteteve të përditshme që kryhen përpara dhe pas kësaj.

Darka:
Orari: 18:00 – 19:00
Shpërndarja e kalorive:

Jo më shumë se 25% të kalorive ditore. Darka duhet të jetë e orientuar kryesisht me ushqime të pasura me proteina bimore dhe shtazore (perime, fileto pule, peshk, vezë, nënproduktet e qumështit, etj.).

Pëveç  rënies në peshë, edhe studime të tjera të bëra në këtë fushë kanë treguar se ngrënia në orare fikse përmirëson shumë performancën e organizmit, duke siguruar nivele të kontrolluara të sheqerit në gjak, aktivitet normal të zemrës, parametra normalë të tensionit të gjakut, nivel të duhur të prodhimit të hormoneve, energji e shtuar fizike dhe mendore, etj.